BHORAK BAT TAKAIT

पुस्तक मे संकलित कविता सब पढला संता स्पष्ट भए जाइत छैक जे कवयित्री लग ने तँ भावक अभाव बुझना जाइत अछि आ ने सुललित आ संतुलित शब्दभंडारक सहयोग सँ ओकरा प्रस्तुत करबाक कौशल मे कोनो प्रकारक असमंजस। आ ओही कौशल केर चमत्कार अछि जे पुस्तक केँ हम आद्योपांत कतेको बेर पढलहुँ आ ताहि क्रम मे एकटा साधारण नारी केर मोनक गह्वर मे दीर्घ काल सँ नुकाएल मुदा सजग आ सचेष्ट भाव केर दर्शन भेल आ शब्दक माध्यमे कवयित्री द्वारा ओकर अनेक प्रकारक व्यथा केर सशक्त निरूपण हमरा कतेको ठाम अभिभूत कएलक। पढलाक बाद हमरा विश्वास अछि जे मैथिली मे खुशबू मिश्रा जीक ई दोसर कविता संग्रह पाठकगण केँ सेहो निश्चित रूप सँ नीक आ आकर्षक लगतन्हि। साहित्यपथ पर हिनक उत्तरोत्तर उज्ज्वल आ सार्थक भविष्यक कामनाक संग... — शंकर मधुपांश Read more