EKANT DWEEP PAR DR. MANJULA

झारखण्ड सरकारमे डिविजनल कमाण्डेंटक पदसँ सेवानिवृत्त मैथिली आ हिंदीक प्रतिष्ठित कवि, कथाकार आ उपन्यासकार श्याम दरिहरे जीक तीन गोट कथा-संग्रह ‘सरिसोमे भूत’, ‘बड़की काकी एट हॉट मेल डॉट कम’ आ ‘रक्त सम्बन्ध’ प्रकाशित आ प्रशंसित कृति छनि। उपन्यास ‘घुरि आउ मान्या’, ‘जगत सब सपना’, ‘हमर जनम किए भेलै हो रामा’ आ ‘बाती कोन जराउ’, एकर अतिरिक्त मैथिली कविता-संग्रह ‘क्षमा करब हे महाकवि’ आ हिंदी कविता-संग्रह ‘गंगा नहाना बाकी है’ सेहो बेस चर्चित कृति छनि। ‘सरिसोमे भूत’क लेल हिनका किरण सम्मान, रहिका एवं ‘बड़की काकी एट हॉट मेल डॉट कम’क लेल साहित्य अकादेमी पुरस्कार आ तिरहुत साहित्य सम्मान, हैदराबाद प्राप्त छनि। धर्मवीर भारतीक प्रसिद्ध काव्य-कृति ‘कनुप्रिया’क मैथिली अनुवाद बेस चर्चित छनि। ब्रजकिशोर सम्मानसँ सम्मानित, घनीभूत मानवीय संवेदनाक कवि दरिहरेजीक कवितामे भावना, करुणा आ प्रेम, जीवनक प्रति अशेष आस्था आदिकेँ अकानल जा सकैत अछि। मैथिली साहित्यक लेल अपूरणीय क्षति भेल अछि जे आइ ओ हमरालोकनिक बीच सदेह नहि छथि। मुदा, मैथिली साहित्याकाशमे ओ अनन्त काल धरि जगमगाइत रहताह। Read more